Paroles de Si j'avos su, j'aros resté garchon
Raoul De Godewarsvelde
À vingt-chinq ans quand j'ai connu Lodie
J'eun'vous'l'cache point j'l'aimos comme mes deux yeux
Pour li prouver j'eul'marios à'l'brad'rie
J'comptos fin bien avoir un sort heureux
Mais j'n'avos point pus tros s'maines eud'ménache
Qu'elle artournot déjà tout dins'l'mason
Combien d'fos j'ai in pinsant à'l'mariache
Si j'avos su, j'aros resté garchon
Si j'avos su, j'aros resté garchon
Auparavant elle n'étot point coquette
Même eul'dimanche, elle mettot point d'capieau
À'ch't'heure la belle, i li faut d'eul'toilette
À chaque saison, i li faut du nouvieau
À l'poud'eud'riz, elle barboulle sin visage
Elle frise eus'tchiête tout comme un quien mouton
Elle se gasconne, faut intinde sin lingage
Si j'avos su, j'aros resté garchon
Si j'avos su, j'aros resté garchon
Comme tous les jours, eune nouvielle maladie
Est découverte par tous ches brafes méd'cins
Contre les microbes, elle prind d'eul'garantie,
In avalant du genief' tous les matins
Dans les cantines, oùsqu'on vind à l'mesure
Elle est connue tout à fait comme l'houblon
À tous les r'pas, j'minge des peimmes-tchierre à'l'plure
Si j'avos su, j'aros resté garchon
Si j'avos su, j'aros resté garchon
Jeunes gins quind vous verrez qu'eune sainte ni-touche
Vous parle d'amour, in abachant ses yeux
Méfiez-vous z'in car bien souvint ch'est louche
Faire du batt'mint, ch'est s'qu'eune femme elle fait d'mieux
Eune fos marié, ch'est l'boulet pour la vie
Qu'il faut trainer hélas sans rémission
J'in ai la preuve, par m'puante d'Lodie
Si j'avos su, j'aros resté garchon
Si j'avos su, j'aros resté garchon
InterprèteRaoul De Godewarsvelde
LabelSMI
Paroles ajoutées par nos membresAds300x600
