Paroles de Ya Rabbi Ouafou Alia
Rabah Driassa
يا ربي واعفُ عليّ
نسلك من هاذ البلية
واغفرلي ذنبي وعيبي ياك أنت غفار
نفسي والشيطان بيّ
سكنوا يا علام فيّ
من بعد الظلمة اغفرلي وافتح لي الابصار
خليت صلاتي وديني
ورضات الشهوات عيني
فعلي خرجني مالجنة ورماني في النار
فاتت بالخفة سنيني
ما صبت الشي اللي ينهيني
تبعت الدنيا والفاني وابليس الغرار
عاشرت بلاد النصارى
راحت حياتي خسارة
واش يدير اللي حبابه وجيرانه كفار
ساكن بيت بلا عمارة
غربة دارت لي المارة
كي مدت لي كاس مذهب نشرب فيه مرار
ياربي توبة قريبة
تكتب لي ونشوف طيبة
نتمتع بانوار بيت ونزور المختار
نرجع لبلادي الحبيبة
نتلاقاهم بعد غيبة
نجمع شملي مع احبابي و اقرابي في الدار
يا ربي واعفُ عليّ
نسلك من هاذ البلية
واغفرلي ذنبي وعيبي ياك أنت غفار
نفسي والشيطان بيّ
سكنوا يا علام فيّ
من بعد الظلمة اغفرلي وافتح لي الابصار
InterprèteRabah Driassa
LabelWMO
Paroles ajoutées par nos membres
