Paroles de Joséphine
Ousa Nousava
Mi rouve un zyeux 6heure y sonne
Coté d'moin mi voi pi personne
Mi pense pe etre joséphine
T'entrain de chauffe café dan la cuisine
L'heure k' mon 2 zyeux la ouver
Moin la bien compri mon malheur
L'avé bon pe désorde dan la chamb
Moin t tou seul moin lavé pu de femm
Come un fou moin la sotte a terre
Sans regardé si moin t en mores'
Moin la cour la case bel mère
Falé voir a moin fé la vitesse
Moin t come dan un demi someil
Sans tro comprendre sac la arive a moin
Dan la pente falé voir moin lé té pareil un vieu l'auto la pu de frein
Mi trouve mon bel mère en grief
Li commence fout a moin 2 gifle
Aah! tape mon fille toué la fé la farce, ta regreté espece fi de garce.
Mi di bel mère ou lé soul
Ou bien ces moin qui comence maboule
Hier soir moin la bi 2 cou
Mé fo pa croire que moin lé encor soul
Dan la porte mi voi joséphine
La tete enflé li l'été come un papang
Son cheve t debout en zépine
Son figure crasé come un vieux po de chambre
La falu longtemps mé amis avan k' moin fini par comprendre
Que l'été moin meme l'avé tape ali
La veille au soir san mon rhum
Joséphine ec son momon la fonce de su moin come 2 jacque
Aah ah mounoir, moin l'été mort depui longtemps si moin l'avé poin 2 grand pate.
Moin la court come un capon,
Sinon sa n'aurai casse mon cote,
Plito demande femm la pardon
Moin la prefere couri mi di a zot
Mai le pli comique dan tou sa
Vraimen marmaille sat zot y coné pas
Dé troi jour nou la reste faché
Mai joséphine l'été tracassé
Elle a tourne la case en vitesse
Alor moin meme san fé plis de manier
Moin la flate a elle par 2 3 ti caresse
Tellemen k' moin lé té fier
Depui sa croi a moin le rhum mi déteste
Y vo mieux mi boit la biere
InterprèteOusa Nousava
LabelIFR
Paroles ajoutées par nos membresAds300x600
