Paroles de Han Wa Chfaq
Nass El Ghiwane
ناس الغيوان - حـَـنْ وَ اشْــفْـــقْ
كِيفْ يواسي اللي فرق محبوبو وبقى بلا عقل
ف لرسام فريد
أنا كيف جفاني حبيب قلبي ما خلاغير صورته
وُنْعُوتـُهْ وُخْيَالُهْ
من لا عمري نظرت زين . . . ف لبدور بحاله
ارفق يَا مَالْكْ ب عبـــدك واعطف يا صابغ النْيَامْ
يا بَدْرْ النْبَا مَنْ لُغــْـتـَـــام يهديك اللهيت ما كفـــى
أنت الموصوف ب لمحاسن وأنا الملسوع بالغـــرام
وعييت ملازم السقـــام أمَّا بَرَّدْتْ من جمار فْ قلبي محفـــى
نبات نساهر ليـــالـــي ودموعي حايفة سجــام
نبكي ونوح ف الظـــلام على محبوب خاطري من جار عفـا
امتى يا مالك نشاهـــد خدك يضوي عل الرسام
ما بين مْحَافْلْ الرَّيــَـــامْ ونگول بحاين جْفَا
رغبوا تاج لملاح فيـَّـــا تحييني غير بالســـلام
وتراعي صلة لكـــرام لاخير في من جفا حبيبد و غدر الموالفة
فْ هْوَاكْ أَمَالْكِي فْـنِيـــتْ لا حالة كيف حالتـــي
ف طريق هواك ما عييـــت حتى تقضى حاجتـــي
وإلى أنا نلت ما نويـــت منك يا روح راحتـــي
نفرح ونگول : ما مشـــا تمجادي ف لبها حـــرام
يا من لا ساغ لي مـــرام سمع قول لحسود فيا وتَكَدَّرْ بَعـَـــا
هدي مدة بلا حســـاب وانا كامي علايلـــي
كانتمنى ساعة الصـــواب تقضى فيها مسايلـــي
كانطلب عاتق الرقـــاب يجمع بيا غزيلـــي
محبوبي راشگ لهـــداب ناير لخدود قاتلـــي
أما دوزت من وقـــات كنت مغْطـِّي بثوبهـــا
تسوى الياقوت والثـْقـَـــاتْ والسعد سگام منهـــا
والكاس مدامعه جـــرات على الشمعة وْضْيَّهـَـــا
ما تسمع غير كب هـــات والخمرة باح سرهـــا
صدقوا من جربوا وگالــوا مادامت للزهو إيـــام
لو كان تدوم لَـلُّـقـُـــدَّام لَو كان الشمس ف سماها تبقفَة
حن واشفق واعطف برضاك يا المزيان
لا سماحه ميعاد الله يا الهاجـــر
ياللي قلبه بعد زْيَانْ عَاوْدْ شْيــَـــانْ
يا للي عدْتِي مِنْ شُورِي حْذِيرْ نَافـْـــرْ
ياك ما حَالُو ما بـِينَاتْنـَا العديـــان
ياك ما عْوّلتِي مَنْ جَنْبِي تسافـــر
ياك ما جنيتي شوفة من نْجَالْ مْعـْيـَــان
زْلّْعـْك تْزْلِيعَه لْعْدُو بْ قلب كَافـَـــرْ
نزلت ساحر بحرك زعما نعود رُؤْيـَــانْ
مشارعك ندريها ونعود بك ظَافـَـــرْ
حسنت بك النية وقريت فيك لاَمـَـــانْ
حين كَنْتِي تَاتِينِي فْ كُل يوم زايـــر
إلى حضرتي تحضر ليا معاك لدهـــان
وإلى تغيب نَذْهْلْ ويغيب لي الخاطـــر
آباش نطفي نيرانك من صميم لكنـــان
وباش يبرد قلبي من حرها الزافـــر
إلى هداك عليا الرَّحْمَانْ يَا المزيـــان
رد سيف صدودك لجواه يا القاهـــر
محبتك يشهد لي بها الإنس والجـــان
ما بقى ما نَكْتْمْ بحب بالسَّرَايـِـــر
InterprèteNass El Ghiwane
LabelWMO
Paroles ajoutées par nos membresAds300x600
