Paroles de Hayati
Mohamed Abdel Wahab
حياتي إنت
غناء محمد عبد الوهاب ـ كلمات حسين السيد
حياتي انت ما ليش غيرك ـ وفايتني لمين
ظلمت روحي وحبيتك ـ وبقى لي سنين
عمال اقاسي ليل ونهار ـ سقم الليالي والأفكار
والشوق في قلبي تاه واحتار ـ والوجد زود بي النار
ويهون عليك بعد ده كله ـ أخلص في حبي واتألم
ليه الفؤاد ترضى بذله ـ ما دام عرفت انه مسَلِّم
لو كنت يوم هنيتني معاك ـ ما كانش يصعب علي
وكنت لما اشتاق رؤياك ـ طيفك يخايل عيني
لكن غرامي كان أوهام ـ ما دامش اكتر من أحلام
وكل ما تفوت الأيام ـ تزداد جفا وازداد آلام
حياتي انت ما ليش غيرك ـ وفايتني لمين
ظلمت روحي وحبيتك ـ وبقى لي سنين
كل ما يشبح خيالي ـ يسبق الفكر الخيال
افتكر زهرة آمالي ـ اللي دبلها الآمال
وافتكر صفو الليالي ـ واشكي من وجدي اللي طال
واقول مسير الحب ـ يجمع بين قلوبنا
ومسير ليالي القرب ـ ح تكون من نصيبنا
واحب روحي ـ إكمنّه روحي بتحبك
واحب نوحي ـ إكمنّه بيحنن قلبك
ويهون عليك بعد ده كله ـ اخلص في حبي واتألم
ليه الفؤاد ترضى بذله ـ ما دام عرفت إنه مِسَلِّم
InterprèteMohamed Abdel Wahab
LabelEMI
Paroles ajoutées par nos membresAds300x600
