Paroles de Mezel el khire
Lotfi Double Kanon
لطفي دوبل كانون
هذي للناس لي نحب التطوع
الناس لي راهي كل يوم تتبرع
الناس لي يعاونوا الفقراء لي
عندنا
الناس لي يعاونوا المسكين بيناتنا
الناس لي يعاونوا الأطفال الميتمة
قلهم مازال مازال
مازال الخير في بلادنا
مازال الخير هنا في عبادها
مازالت ناس راهي شادة
مام مام في وقت الشدة
هاذيا تحية للناس الكل فالجمعيات
لي ديما يديرو الخير ليل و نهار و
جامي عيات
لي يهتموا بالأعباء جماعات جماعات
في الطريق فالإنترتت فالمساجد و
الجامعات
ولاتلهم عادات ديما يديرو الإحسان
يعاونو الإنسان باه يلحيولو شوية
أحزان
في قلبهم حماس مع إحساس بالنلس
خطاك لحياة بلا هذ الشي ما عندها
حتى أساس
تلقاه ديما هاز أفكار و أفكار
فالعيد فالمولد فالصيام و فالفطار
يحب يدير الإكرام ولا يتعاون مع
الدار
على كسوة للأطفال ولا على قفة
رمضان
هاذو هوما الأبطال ، القوة تاع
جنون
ربي عطاهم طاقة ما تتقاسش بالكيلو
جول
كي تشوفهم ديما هذ الشبيبة لي
عندنا
تفهم صح بلي مازال الخير في بلادنا
و كي تشوف صحاب الخير كبار صغار
نسا و رجال
و الله تقول جيش من الفرسان و
المشاة
لي والا شاد و السجل عليه آو شاهد
على ديكا عند ربي كل واحد فيهم آو
مجاهد
لي والا يشارك ، هذا يجري و هذا
يشري
يروحوا للمحتاج قبل ما يجيهم هو
يشكي
كل واحد يشتي يدير الخير بيديه
و يفرح كي الفقير يقلو يرحم والديك
هنا و لهيك يتبعوا الحماس
كل سمانة تطوع و كل سمانة حملات
رحلات حفلات و المساكن يداويوهم
الطريق تتنظف ولا الشباب يوعيوهم
الدعاوي لي يديوهم و الله ما تترد
خطاك النية تاحهم صافية و
دايرينها قلب و رب
ما يسحقوا حتى رد لا من الارض لا من
عبادها
تشوفهم صح تقول مازال الخير في
بلادنا
مازال الخير في بلادنا
مازال الخير هنا في عبادها
مازالت ناس راهي شادة
مام مام في وقت الشدة
و رانا مشنا نطبلو بالعكس جايين
نظمنو
بلي الخير ما زال بصح لازم الكل
ننضمو
سيرثو لي يظنو بلي الدنيا ماديات
قلهم روحوا تعلموا اسم الله
الديان
خطاك هذ ليام مع المشاكل الكل لي
صرات
الحياة صعابت ، مام قسات و زادت
مصاطت
عديك نصارحك كاين لي يقول ما
دخلناش
تهدر معاه يقلك أنا بالذات محتاج
طبعا راك محتاج دركا الرحمة تاع
ربي
محتاج فعال الخير باه تفرحو باه
ترضيه
لكانك ضعيف قليل مريض و حاب تداوي
عاون الناس لي تعاني باش تربح منهم
الدعاوي
الرب العالي يحب الناس هذوك لي
تصدقوا
مش لي يتصقطوا و ينتقدوا باش
يسقطوا
يحب لي يصدقوا بالقدر و القضاء
خطاك ربي هو الغني و حناين الكل
فقراء
مازال الخير في بلادنا
مازال الخير هنا في عبادها
مازالت ناس راهي شادة
مام مام في وقت الشدة
InterprèteLotfi Double Kanon
Paroles ajoutées par nos membres
