Paroles de Magali
Les plus belles mélodies d'Occitanie
Texte provençal
--- 1 ---
O Magali, ma tant amado,
Mete la tèsto al fenestroun.
Escouto un pau aquesto aubado
De tambourin e de vióuloun.
Es plen d’estello aperamount,
L’auro es toumbado,
Mai lis estello paliran
Quand te veiran !
--- 2 ---
Pas mai que dòu murmur di broundo,
De toun aubado iéu fai cas !
Mai iéu m’envau dins la mar bloundo
Me faire anguielo de roucas.
- O Magali, se tu te fas
Lou peis de l’oundo,
Iéu lou pescaire me farai,
Te pescarai !
--- 3 ---
Oh ! mai, se tu te fas pescaire,
Ti vertoulet quand jitaras,
Iéu me farai l’aucèu voulaire,
M’envoularai dins li campas.
- O Magali, se tu te fas
L’aucèu de l’aire,
Iéu lou cassaire me farai
Te cassarai !
--- 4 ---
I perdigau, i bouscarido
Se vènes, tu, cala ti laç,
Iéu me farai l’erbo flourido,
E m’escoundrai dins li pradas.
- O Magali, se tu te fas
La margarido,
Iéu l’aigo lindo me farai,
T’arrousarai !
--- 5 ---
Se tu te fas l’aigueto lindo,
Iéu me farai lou nivoulas,
E lèu m’enanarai ansindo
En Americo perabas !
- Ò Magali, se tu t’en vas
Alin ai Indo,
L’auro de mar iéu me farai,
Te pourtarai !
--- 6 ---
Se tu te fas la marinado,
Iéu fugirai d’un autre las.
Iéu me farai l’escandihado
Dóu grand soulèu que found lou glas !
- Ò Magali, se tu te fas,
La souleiado,
Lou verd limbert iéu me farai,
E te béurai !
--- 7 ---
Se tu te rendes l’alabreno
Que se rescound dins lou bartas,
Iéu me rendrai la luno pléno
Que dins la nuèch fai lum ai masc !
- O Magali, se tu te fas
Luno sereno,
Iéu, belo nèblo me farai,
T’acatarai !
--- 8 ---
Mai se la nèblo m’emmantello
Tu, per acò, noun me tendras.
Iéu, belo roso vierginello,
M’espandirai dins l’espinas !
- O Magali, se tu te fas
La roso belo,
Lou parpaioun iéu me farai,
Te besarai !
--- 9 ---
Vai, calignaire, courre, courre !
Jamai, jamai m’agantaras.
Iéu de la rusco d’un grand roure
Me vestirai dins lou boucas !
- O Magali, se tu te fas
L’aubre di mourre,
Iéu, lou clot d’èurre me farai,
T’embrassarai !
--- 10 ---
Se me vos prene a la brasseto,
Rèn qu’un vièi chaine arraparas.
Iéu me farai blanco moungéto
Dòu mounastiè dòu grand Sant Blas !
- O Magali, se tu te fas
Mounjo blanqueto,
Iéu, capelan, counfessarai,
E t’ausirai !
--- 11 ---
Se dòu couvènt passes li porto,
Tóuti li mounjo trouvaras.
Qu’a moun entour saran pèr orto
Car en susàri me veiras !
- O Magali, se tu te fas
La pauro morto,
Adounc la terro me farai,
Aqui t’aurai !
--- 12 ---
Aro coumenci enfin de creire,
Que noun me parles en risent.
Vaqui moun aneloun de vèire,
Per souvenènço, bèu jouvènt !
- O Magali, me fas de bèn !...
Mai tre te vèire,
Ve lis estello, Magali,
Coume an pali !
InterprèteLes plus belles mélodies d'Occitanie
LabelIFR
Paroles ajoutées par nos membres