Paroles de Sir A Naker Lehssane
Jil Jilala
اش باقي يا قلبي ما تروم لولاف،اش باقي من خيرهم فالمعارف
وفعايلهم يا القلب صنوف
تركهم يا قلبي ترتاح من التشغاف،مادام ماحملتي عنهم الكلايف
لا رفاف فصحابنا معروف
والمعارف لردال باخسين لقصاد،اهل الكره والمناصف منهم نظرت يا القلب ألوف
ما يواكدوك فالشدة يا القلب لقصاف
غير سلم فيهم ياقلبي وساعف
صحبت اليوم سوقها معدوم
والمعرفة صنعة ولات يا العارف
بحورها ما سلكوه سفون بالمقادف،ترك الرياس حايرين وقوف
واه يا سيدنا عالمعارف وصاو النجا منهو عارف, ما فالولايف ما يتوالف،صيغ لقوال يا الوليف
سيرآ ناكر لحسان ليام تشيت وراك بالقهر ويبان البرهان في كان من خان حبيبو
مصبرني فالتيهان غير نكايد ونزيد فالصبر،عقيلي حيران شاكي من حر لهيبو
طول دجايا سهران قليبي بالزفرات ينعدر
سلتك من ينقان جرحي ما صاب طبيبو
انت قلبك فرحان ما شفك حالي زايد النفر ،شروط التيهان فعلك مازال انصيبو
عاشرتك بالصدق والوفا،ولي فيا راك عارفو
انت مني رايد الجفاوانا وعدي كانصرفو
خفت عليك آ شارد العفا من دنبي دغيا تصادفو
ما يلقاك امان من تغرادي عن ساير العمر،وكثير القتلان ما يطلع عقبة ديبو
كيف يمنع العشران من طبعو بين الناس ينشكر
ما يهدر لوكان نوظر معاه طليبو
شفتك جيتي زربان غروك صحاب الفيش والفشر من لا ليهم شان، نهار الضب يغيبو
يا قلبي سير وكان لابد كثير الجهد ينكسر, من بعد الزيدان سيسان الغدر يريبو
كنت نضنك صاحب العقل ما ترضى برفاقت لغشام،غروك اهل الفيش والبخل
ماليهم صولة ولا كلام،وتنجبرتي ناقص الفعل وجازيتيني بالخصام
وراك العديان،و سخيتي بيا صابغ الشفر،غواك الشيطان مثلي محال تصيبو
لو جلتي فالبلدان سال البادية مع الحضر،ما توجد انسان مثلي ساخي بنصيبو
انفادي بالسلوان فبساط العز وغاية الفخر بوجود المزيان كل ما قال انجيبو
ما يقهرني خسران راه خيط رفيق قد من الحضر نسخى بالتمان في حق الزين نهيبو
سيرآناكر لحسان ليام تشيت وراك بالقهر ويبان البرهان في كان من خان حبيبو
ما يسلك مناهج الهدى من هو كيفك خارج الحدود
من يسرك محال تنفدى من حر الهجرة مع الصدود
بيا غير شفايت العدى كلام الغتبة مع الحسود
من درتيهم صدقان وسخيتي بيا ما بقى كثر فراق الرقبان فالقلب كويت لهيبو
زدتي قلبي نيران وانت هايم ما جابتلي خبر،قلبك حين شيان رجع قطران حليبو
كي قالو ناس زمان من دار الشر يموت بالغدر، ولي زاد يبان ومن دار الخير يصيبو
قبلك فاتو شبان ما دامت ليهم حالت الصغر،غير فلان وفلان كبرو وضحاو يشيبو
سير الجافي من جانبي دفع ما باقي فخصامنا رجوع،فيك سمحت يا خايب الطبع حين تبعتي لامت الفزوع،
ما فيها طيبة ولا نفع عشرتك آ بخس السلوع
لو كنتي شيهان ركبتك يوم الحر تنشكر قدام الفرسان واليوم لغيت ركيبو
لو كنتي بستان غنمنا حسن الياس والزهر،جنينالغصان تمر القبل يطيبو
لو كنتي مزيان دوزت معاك ايام تنشكر،وشفيت بالعيان جمال القبل يخيبو
ليام الا تزيان كتبني بنيان القصر بزاج وطيقان والنقش على ترتيبو
ليام الا تشيان كتخسف ضي الشمس والقمر بعجاج ودخان ونجوم الليل يغيبو
لعفو بيد الرحمان نجاني منك شامخ القدر
نسعاه الغفران،لابد يهون صعيبو
InterprèteJil Jilala
LabelWMO
Paroles ajoutées par nos membresAds300x600
