Paroles de Piccula marina
Chjami Aghjalesi
Piccula marina
(I Chjami Aghjalesi)
L'onda s'allonga è si chjina.
Ùn si sente un rimore
In sta piccula marina
È tuttu piglia valore.
Ogni parolla risona
In lu calmu di lu serenu.
Pè fà l'ultima canzona
U mio versu serà lenu.
Cù lu so pinnellu a luna
Allatta ogni muraglia
Di strisce bianche l'affuna
Ùn ci serà mai più battaglia.
A timpesta hè pruibita,
È cum'è à mezu à u disertu
Ci hè un nidicale di vita
Chjosu à lu ventu incertu.
Lacatemi una notte
U calmu di la turchina
Tenite chjose le porte
In sta piccula marina.
InterprèteChjami Aghjalesi
LabelZBR
Paroles ajoutées par nos membresAds300x600
