Paroles de Ci vole cusi pocu
Chjami Aghjalesi
Basta una bunfulata per carrizzà u fiore
O stradicà à talla di l'alburu sfrundatu,
Accadizzà u focu natu da lu furrore,
Natu da lu furrore,
Basta una bunfulata.
Abbasta un solu raghju di u sole à ferraghju
Per sminticà l'invernu eppò dassi curagiu,
Per sunnia di coppii chì viaghjenu à paghju,
Chì viaghjenu à paghju,
Abbasta un solu raghju.
Ci vole cusì pocu per suppisà e pene
Per accende di l'anima u santissimu focu,
Di u travagliadore ruzzicà e catene,
Ruzzicà e catene,
Ci vole cusì pocu, ci vole pocu pocu.
Basta un sguardu fraternu per sentesi più forte
Un sole veranile in core di l'invernu,
Una manu stinzata per scunghjurà a morte,
Per scunghjurà a morte,
Basta un sguardu fraternu,
Basta un sguardu fraternu.
InterprèteChjami Aghjalesi
LabelIDL
Paroles ajoutées par nos membresAds300x600
