Paroles de Celu di Balagna
Chjami Aghjalesi
Vecu u Monte Grossu da e stelle fiuritu
Da Zilia à Felicetu cù l'estru muntagnolu
Un acellu di notte chì d'amore si lagna
Tandu mi vene in core u celu Balagna,
Tandu mi vene in core u celu Balagna.
L'Isula a turchina face chjam'è rispondi
Cù Santa Riparata chì fideghje à Munticellu
L'estru di mio lochi mi fraie di cuccagna
Tandu mi vene in core u celu di Balagna,
Tandu mi vene in core u celu Balagna.
Da a valle di Toru u verde di l'alivi
Mi stuzzicà a mente è Muru stà in pughjale
Sentu cantà a rota di millaie di fragni
Tandu mi vene in core u celu di Balagna,
Tandu mi vene in core u celu Balagna.
U pinzu di a Vella pare muru di petra
Fruntiera naturale trà Nesce è Spuncatu
Vecu pagliaghje bianche cum'è mure di Spagna
Tandu mi vene in core u celu di Balagna,
Tandu mi vene in core u celu Balagna.
U timpanu latinu d'una schilla luntana
Brusgia a mio memoria d'un'aria vagabonda
E capine chjinate mi sò palazzu giallu
Tandu mi vene in core u celu di Balagna,
Tandu mi vene in core u celu Balagna.
Reginu maestosu di rabbia si ne scappa
Di Lozari vicinu cerca l'ochju barcale
E mio loche sicrete sò di piaghje è muntagne
Tandu mi vene in core u celu di Balagna,
Tandu mi vene in core u celu Balagna.
InterprèteChjami Aghjalesi
LabelZBR
Paroles ajoutées par nos membresAds300x600
