jakin nahi nuke nork betetzen duen orain
ea entelegatzen duen hormako izkribu tipia:
ea alboko zeldatik inork hots egiten dion
komuneko plastikozko tuberia soltatuz
telefonoz bezala mintzatzeko
ea hango egunak eternal dirauen
egunsentiak esne garratza diren
ea errekuentoan mirilatik so egiten duen begiak
inor ikusten duen, edo jadanik inor ere ez
jakin nahi nuke ihes egin genuenok
ala ihes egitearena, bizitzen irauteko