Paroles de Udazken Koloretan
Benito Lertxundi
Udazken Koloretan
landen lurrinak
zeharkatuz
hitaz oroit
eta higan nauk.
Zuhaitz biluziaren
gerizpean orpondoa
orbelaren hilobi
horiz eta gorriz
dena lokarturik
dena lokarturik.
Eskuratu hostoa
xume bezain eder
hain soila bere heriotzean
zuhaitz guztiaren
bizkortasunez hain betea
non erortze honen duintasunak
hiri kantatzera naraman.
Berriro zuhaitzari
so natzaiok, kezkaturik ote?...
joate askearen oparotasunean
betikotasunaren irria zirudik.
irria zirudik.
Gatibu naukan denborak
bere baitan egositako
ametsetaz isekaz
bailegoan.
Udazken Koloretan
landen lurrinak zeharkatuz
hitaz oroit eta higan nauk
hain soil hire heriotzean
hain xume, adiorik gabeko
partitzean.
InterprèteBenito Lertxundi
LabelThe Orchard
Paroles ajoutées par nos membresAds300x600
