Paroles de L'anniversariu Di Minetta
A. Filetta
Per tutti l'anni chì sò scorsi
Per le to gioie è le to pene,
Per li fatti è li discorsi
Per lu sangue di le to vene.
Ripigliu:
È ... per la to memoria cara
Chì luce sempre in core à mè
Vogliu gode ogni stonda permessa
Vogliu gòdela per tè.
Per quelli chì à tè sò cari
I to figlioli, la to ghjente
Per lu to granu, i to filari
Per lu core è per la mente.
Ripigliu:
È ... per la to memoria cara
Chì luce sempre in core à mè
Vogliu gode ogni stonda permessa
Vogliu gòdela per tè.
Per li to ochji à la funtana
U to amore immensità,
A cara santa nostra mamma
Per l'oghje è per l'eternità.
Ripigliu:
È ... per la to memoria cara
Chì luce sempre in core à mè
Vogliu gode ogni stonda permessa
Vogliu gòdela per tè.
Tù sì la mio surella cara
Quella ch'hè nata à tempu à mè
È sì di mè stai luntana
Seraghju sempre accant'à tè.
Ripigliu:
È ... per la to memoria cara
Chì luce sempre in core à mè
Vogliu gode ogni stonda permessa
Vogliu gòdela per tè.
Vogliu gode ogni stonda permessa
Vogliu gòdela per tè.
InterprèteA. Filetta
LabelEMI
Paroles ajoutées par nos membres
